A Santa Mariña e a festa patronal mais importante, celebrase a mediados do mes de xulio.

Sen dúbida Xinzo e coñecido en toda España polo seu Entroido. E a festa mais arraigada e celebrada sobor de todo na capitalidade municipal. Ista festa do ENTROIDO está declarada de interese Turístico Nacional.

A base do Entroido e unha combinación de elementos primitivos e urbans, representados nos dous barrios, o vello e o novo. E o ciclo do entroido mais longo dos que se festexan en España, comezando as festas tres domingos antes do entroido no "Domingo Fareleiro", cómica batalla na que todo o pobo se embadurna de fariña. "Domingo Oleiro", tradición que consiste en facer corros de persoas que lanzan o aire, olas de barro cheas de auga ata que alguén lle cae o chan co consabido remoxón. Despois celébrase o "Domingo Corredoiro", xornada popular onde as comparsas comezan a invadir as rúa da vila, verdadeira antesala do Entroido.

O símbolo por antonomasia do Entroido de Xinzo de Limia e "A Pantalla", un persoaxe ataviado con calzón branco longo, camisa de felpa branca, zapatos negros, polainas negras con faxín vermello, capa de seda negra e vermella con cintas de cores e unha ou dúas vexigas de vaca ben secas e infladas nas maos. Na cabeza a "pantalla" que da nome o conxunto e que se confecciona artesanalmente con cartóns mostrando a cara de un demo con barba.

Tamén son importantes as feiras que teñen lugar os días 14 e 27 de cada mes, a algunha monográfica como Expolimia na que se promocionan tódolos productos típicos da Limia Alta.